بحر الغرام ياسيادي واعر
شلة ماقالوا فيه الناس
لكل العشاق غالب وقاهر
بحر غارق ماليه قياس
شحال من واحد بايت ساهر
حيران مابغيه نعاس
مضيوم ماعندو خاطر
الليل وماطال عساس
قلبو مسكين لضر صابر
مجروح ومقطع بمواس
سولوا عليه الفارس عنتر
لتعدات شجاعتوالقياس
واش عمرو كان لبحر عابر
انتصر فالحب ورفع الراس
وقيس لكان غايب حاضر
يداوي حر الكية بالكاس
عقلو هجر داتو وسافر
ما صاب من حبو يتساس
الحب صعيب وكافر
من نارو الله احد الباس
بمحاينو وعدابو قادر
تكون سيد ويجعلك خماس
لا انت رابح فيه ولا خاسر
والا خطاه العداب يمساس
عبد الله الهواري
22/05/2018
ليست هناك تعليقات:
إرسال تعليق